阿Step, 我係網上睇到以下的活動都值得參考下:

螢火蟲、汀角趣味生態之旅
http://www.hklb.hk/tour.asp?id=159

參觀米埔   http://www.wwf.org.hk/chi/maipo/publicvisit/news.html

如果有咩需要弟兄姊妹幫忙及協助的話可以告訴我,我會幫你聯絡一下.

這幾天放病假, 把我們的blog版面也更新了, 耶穌背著十架的圖畫是在網上找到的, 接著就搜尋一下合適的經文配合我們的blog, 好快就找著這節經文....我自己好喜歡呢....還有我加了背影音樂, 大家慢慢聽喇~

 Besides, 我會將各cell員名字加在文章分類欄內, 以後大家發表新文章便可以選自己的名字, 那樣名字就會出來在文章右上角了...希望見到各cell員發表新文章喇~

致各CELL員：

我們主內親愛的弟兄阿輝，他的爸爸已經在本月14日安息了．在此，我們可以表達對阿輝的爸爸及他的一家送上最深切的祝福及慰問．

此外，阿輝一家會為爸爸於本月24日在沙田寶福山設靈．如果弟兄姊妹希望一同前往送上祝福及慰問，請穿上素色衣服．並於24日晚上7:15-7:30在大圍火車站A出口集合再轉乘小巴前往．未能前往的弟兄姊妹，仍可在禱告中紀念．

羅馬書十二章15節：（與喜樂的人要同樂；與哀哭的人要同哭．）

甜品好像有一種令人開心的原素,是女孩子不能抗拒的心頭好,所以近幾年興起的甜品班都是為滿足我們一眾女仔而設的.  蛋糕熱更是女仔拿手氹男友開心的生日蛋糕,週年記念等...,所以每個女仔都會學整一兩款的.

我自己學整的原因是我很喜愛吃甜品,我記得有一次舊cell去camp入長洲, 食到有一間的甜品,蛋糕超好味,仲問老闆娘有無開班教整,原來有的呀~ 不過...o係長洲實在太遠喇! 所以決定出市區搵間有水準o既甜品班學,不過頭一兩次學整的都無乜難度,齋整cake既步驟,後尾去o左一間有些水準的蛋糕班整o左我第一個黑棵森,好好味   之後我就決定買齊o架生返屋企整,已經整o左幾次啦~ 姪女o既生日蛋糕都是我整的士多啤梨蛋糕,味道唔錯~~

初時媽媽話我多此一舉,話我無聊得滯,買現成o既唔洗咁多功夫啦~ 不過我始終覺得自己整蛋糕,心意係最重要,整o左出黎比家人食,比cell員食,比男友食都會覺得開心d,滿足感大d,係出面d蛋糕比唔上o既, 只要食o既人開心,整o既過程幾辛苦又有乜所謂丫~ 

Ning^^

近排每日起身之後除左睇報紙之外, 我都會睇一睇書枱上面放左既三本書. 第一本係聖經, 第二本叫做"臨時需要的一句話",係一本商業英語短句既書,第三本叫做"讓自己快樂的70個秘訣".呢本書係上次去台灣時買既. 基本上我星期一至五返工前都會睇每本書既其中一篇.

唔使講,除左早餐之外,第一本係我既生命食糧,係提醒我每日生活信仰實踐的來源. 第二本係用黎搵食.第三本係我保持開朗心情既良藥. 我成日都好希望可以分享一下第三本書既內容.等我地每一個返工前都可以懷住一個開心既心情.

其中一個故事係:

有一位教授到某間精神病院演講,當演講結束後,他發現汽車的一個後輪上,本來應該鎖緊的四粒螺絲不翼而飛.如果行駛的話會很容易脫輪胎.由於這位教授要趕往另一個地方演講,而附近又沒有拖車或交通工具.眼看趕不及下一場演講,他的心急如熱鍋上的螞蟻.

就在這時,有一個人經過問教授發生什麼事.當教授講完問題後,這個熱心人就輕鬆地說: <這叫什麼困境!簡單,你只要把其他三個正常的輪胎,各拆一粒螺絲緊鎖這個掉了螺絲的輪胎,不就可以正常行駛到附近的汽車修理廠.>

教授仔細想了想,認為建議可行,於是馬上動手.完成後,教授發現這位熱心人是穿著這家精神病院的制服,教授不禁遲疑地問:<朋友,你可以想出這麼聰明的方法,又怎麼會在這裡...>

這人笑了笑,答道:<老兄,我會待在這兒,是因為我有精神病,不是因為我笨啊-->

從故事中這位精神病人有趣的結論延伸,觀察發現有很多不快樂的人,他們不快樂的原因並不是真正有令他們不快樂的理由,主要導致他們不快樂的根源,是來自不願意打開自己的心門.

關閉心門的人,不願意跟自我內心對話,也不願意傾聽別人的建議.長久以來.只會更難令自己變得快樂起來.如果可以跟教授一樣,學習打開心門,接受新的建議,就會在意想不到的時刻,奇妙地獲得自我窘境的快樂動力.

睇完這本書之後,我每日返工既路上都會聽我心目中女神既歌-周慧敏既歌. 哈!哈!又係另一個令我快樂的泉源.

誠誠  

Hi 大家好~

今天想同大家分享運動的益處,我一向都有運動的習慣,為什麼叫做習慣呢? 因為我不是太精於某項運動或者好熱衝,而是希望強身健體,亦可以減肥.

其實我已經玩左幾年gym了,一向都很少病痛,就連傷風感冒也很少,現在一星期最少都有兩日運動,一日做gym一日打波,所以建議各位每星期都要抽少少時間做下運動,自然有益身心,就不會百病叢生.

祝主內安康~ Ning